Повредите носат големи разочарувања кај фудбалерите, а тоа посебно важи во периодот пред големите настани како што ќе биде светското првенство.
Били Гилмор е еден од фудбалерите кои требаше да ги бранат боите на својот национален тим на мундијалот во САД, Мексико и Канада, но повредата за време на подготовките стави крај на неговиот сон.
Фудбалерот на Наполи беше заменет на пријателскиот дуел со Курасао, а по средбата лекарскиот тим потврдил дека има повреда поради која не може да игра на СП, а и самиот морал да се движи со патерици.
– Не можам да пронајдам зборови со кои точно би го опишал тоа како се чувствувам во моментов.
– Бев толку блиску до остварување на мојот детски сон, да играм на СП, а сега ја пропуштив шансата поради повреда. Тешко ми е да ја прифатам реалноста, но ќе мора да чекам некоја друга шанса, – вели Гилмор.
Неговото место во националниот тим го зазема 19-годишниот Тајлер Флечер од редовите на Манчестер Јунајтед.
Шкотска во групната фаза на СП 2026 ќе игра со Бразил, Мароко и Хаити.
