Баерн Минхен на Ненад Димитријевиќ го доби и второто соочување со Бон во полуфиналето на плејофот во германскиот шампионат.
За разлика од првиот меч во кој домаќините имаа огромни проблеми и мораа добро да се испотат за да ја оправдаат фаворитската улога, овојпат избраниците на Пешиќ го разбија ривалот со 91:69 и поведоа со 2-0 во серијата.
Нашиот Димитријевиќ ја продолжи одличната серија и на седми меч во низа постигна двоцифрен број на кошеви. Репрезентативецот беше трет стрелец со 13 поени, плус запиша 6 асистенции со 2 скока и 1 украдена топка.
Следниот меч се игра на теренот на Бон на 4 јуни.
