Парот штотуку се венча, а малку е познато дека се вљубиле благодарение на познатата книга која во 2023 година била наградена со Пулицерова награда.

Ги споил истиот роман

Тарнер во интервју за „The Times“ открил дека нивната прва средба личела на сцена од романтична комедија. Се запознале на пијачка во Лос Анџелес, пред роденденска прослава на заеднички пријател.

„Седевме еден до друг и сфативме дека ја читаме истата книга, што беше лудо. Станува збор за книгата ’Trust‘ од Ернан Дијаз. Само што го имав завршено првото поглавје и ѝ го кажав тоа, а таа ме погледна и рече: ’И јас само што го завршив првото поглавје.‘ Јас одговорив: ’Значи, сме на иста страница‘“, раскажал Тарнер.

Ова неверојатно совпаѓање за него било јасен знак. „Во филмската верзија на тој настан, би погледнал кон небото и би си рекол: ’Те слушам. Разбирам. Знаците се јасни, не грижи се.‘ И тоа навистина беше тој прв момент“, додал актерот.

Романот што го освои светот

Романот „Trust“ на Ернан Дијаз од 2022 година не ги освои само Липа и Тарнер. Освен Пулицеровата награда, книгата истата година ја доби и наградата „Kirkus“ за фикција, а „The New York Times“, „The Washington Post“, „NPR“ и магазинот „Time“ ја вброија меѓу десетте најдобри книги на годината.

Дејството на романот е сместено во Њујорк во 1920-тите години и преку четири различни наративни дела — „Bonds“, „My Life“, „A Memoir, Remembered“ и „Futures“ — ги истражува богатството, моќта и вистината низ приказната за моќен финансиер и неговата сопруга.

Успешната книга наскоро ќе добие и своја екранизација. Според пишувањето на „Variety“, HBO подготвува ограничена серија во која главната улога ќе ја има Кејт Винслет, додека сценариото и режијата ќе ги потпише Тод Хејнс. Датумот на излегување на серијата сè уште не е објавен. Романот е достапен за купување преку интернет во печатено, аудио и дигитално издание.