Лоши вести за сопствениците на „iPhone“: „Apple“ ја укинува поддршката за овие модели

Меѓутоа, големото прашање за многу корисници е – дали нивниот „iPhone“ ќе го поддржува новото ажурирање?

„Apple“ секоја година ја прекинува поддршката за одредени постари модели на „iPhone“, додека некои уреди сепак ги задржува уште една генерација.

Според најновите информации што протекоа на социјалната мрежа „Weibo“, „iOS 27“ би можел да донесе значајни промени кога станува збор за компатибилноста на уредите.

Дојавувачот познат под името „Instant Digital“ објави листа на модели што наводно ќе го поддржуваат „iOS 27“, а на таа листа ги нема неколкуте многу популарни уреди што моментално поддржуваат „iOS 26“.

Меѓу моделите што би можеле да останат без поддршка се:

• „iPhone 11 Pro Max“

• „iPhone 11 Pro“

• „iPhone 11“

Според тие информации, „iOS 27“ ќе бара „iPhone 12“ или понов модел.

Исто така, додека „iOS 26“ ја поддржуваше втората генерација на моделот „iPhone SE“, новото ажурирање наводно ќе работи само на „iPhone SE 3“ или понов уред.

Доколку овие информации се покажат како точни, ова ќе биде втора година по ред „Apple“ да исфрла неколку постари модели од големото „iOS“ ажурирање. Минатата година без поддршка остана генерацијата „iPhone XS“.

„Apple“ и понатаму ќе продолжи да обезбедува поддршка за „iOS 26“ преку помали ажурирања, но тие главно ќе бидат ограничени на безбедносни закрпи и исправки на грешки откако „iOS 27“ ќе стане достапен за корисниците, пренесува „B92“.

Сепак, треба да се нагласи дека се очекува многу од клучните функции на системот „iOS 27“ да ја користат вештачката интелигенција на „Apple“ наречена „Apple Intelligence“, за која е потребен „iPhone 15 Pro“ или понов уред.

Тоа значи дека дури и корисниците чии „iPhone“ уреди ќе го поддржуваат „iOS 27“ можеби нема да имаат пристап до сите нови функции што „Apple“ планира да ги претстави.