Еден Азар не ја прикажа најдобрата верзија од себе во Реал Мадрид и поради низа повреди реши рано да замине во пензија, но ниту лошата завршна етапа во шпанската престолнина не може да го избрише фактот дека Белгиецот беше еден од најталентираните фудбалери во последните две децении.
Како голема ѕвезда на Челси, Азар пристигна во Реал Мадрид во трансфер вреден над 100 милиони евра, а како човек кој требаше да биде лидер на проектот на Зинедин Зидан, сакаше да го задржи и бројот кој го носеше во Премиер лигата.
Десетката беше симбол за Азар во Челси и Белгија, па иако имаше шпекулации дека Лука Модриќ е подготвен да му ја отстапи, тоа на крајот не се случи.
Азар ја презема „7-та“ и често беше споредуван со Роналдо, но според него, тоа било огромна грешка на јавноста.
– Јас не го сакав дресот со број „7“. Пристигнав со мисла дека ќе ја носам „десетката“. Ја сакав „десетката“ на Лука Модриќ. Мислев дека ќе ми каже „сè е во ред, преземи ја“, но сепак не се случи такво нешто. Тој не ми го даде својот број.
– Јас не отидов со цел да го заменувам Кристијано во Мадрид. Тоа го измислија медиумите, не можам да заменам играч кој има целосно различен стил на игра од мене, – порачува Азар.
Quand Hazard ne voulait pas du numéro 7 de Cristiano Ronaldo au Real Madrid 🤯
— CANAL+ Foot (@CanalplusFoot) May 18, 2026
La finale de la Ligue Europa 2019 décrypté par @hazardeden10 et Tony Chapron, disponible partout gratuitement 🎁 pic.twitter.com/8Tc1brfkYX
