Екстремната ситуација веќе предизвика пропаст на првите кинески брендови за електрични автомобили.
Електричните автомобили станаа потрошен материјал во Кина, каде жестоката ценовна војна го пустоши пазарот. Синг Жу од консултантската компанија „AlixPartners“ објаснува дека електричните автомобили денес имаат сличен циклус како паметните телефони.
Многу кинески модели на автомобили се сметаат за застарени по само неколку години на патиштата, што значи дека половните автомобили имаат исклучително низок статус кај локалните купувачи, изјавил кинескиот аналитичар за „Autobild“.
Тој објаснува дека ниските цени на новите автомобили ја прават бесмислена продажбата на користени возила. Додека европските производители обично поминуваат четири до пет години само во развој на нов модел, Кинезите тоа го прават за две години.
Фуриозното темпо значи дека во земјата секоја година се лансираат околу 140 нови модели, а тоа понатаму значи дека автомобилите стари три години веќе се сметаат за застарени.
Резултатот се вистински гробишта од возила кои се повлекуваат од пазарот по само три до пет години, што создава огромен притисок врз животната средина и системите за рециклирање во големите градови.
Конкуренцијата меѓу повеќе од 140 автомобилски брендови во Кина предизвика драматичен пад на цените. Помеѓу 2023 и 2025 година, цените на кинеските електрични автомобили паднале во просек за околу 23 проценти.
Јасен пример за ниските цени е малиот електричен автомобил „BYD Seagull“. Во Кина чини еквивалент на околу 6.900 евра.
Многу производители очекуваат нивните автомобили да се користат само неколку години, по што мора да бидат расклопени и рециклирани на ист начин како старите мобилни телефони или таблети.
За жал, рециклирањето не успеа да го следи брзиот раст на продажбата и разновидноста на моделите. Големи паркинзи надвор од кинеските градови сега се полни со електрични автомобили на крајот од нивниот животен век кои само чекаат.
Батериите во напуштените автомобили се вредни поради големиот број ретки суровини што ги содржат.
Екстремната ситуација веќе предизвика пропаст на првите кинески брендови за електрични автомобили. Неколку компании банкротираа, оставајќи ги вработените без плата и работа.
Кинеските брендови очајнички се борат да го освојат европскиот пазар, бидејќи таму профитните маржи се значително поголеми.
