Финалето на Светското првенство е закажано за 19 јули на стадионот „MetLife Stadium“ во американската сојузна држава Њу Џерси и се очекува да привлече милиони гледачи ширум светот, покрај публиката на самиот стадион, пишува „CNN“.
Шакира, Мадона и „BTS“ ќе бидат главните ѕвезди на првото шоу на полувремето од финалето на Светското првенство, соопшти „FIFA“ во објава на „Instagram“.
„FIFA World Cup 2026“ започнува на 11 јуни во Мексико Сити, а натпреварите ќе се играат на повеќе локации низ Соединетите Американски Држави, Канада и Мексико.
Програмата на полувремето од финалето, која ја уредува Крис Мартин од бендот „Coldplay“, ќе ја продуцира непрофитната организација „Global Citizen“, а приходите ќе бидат насочени кон „FIFA Global Citizen Education Fund“, соопшти „FIFA“. Фондот, како што наведуваат, е „значајна иницијатива чија цел е да собере 100 милиони долари за проширување на пристапот до квалитетно образование и фудбал за деца ширум светот“.
Во текот на турнирот, по еден американски долар од секој продаден билет за натпреварите на „FIFA World Cup 2026“ ќе биде дониран во Фондот.
Во промотивното видео објавено на социјалните мрежи, на Мартин му се придружија ликови од „Sesame Street“ и „The Muppets“, како и кратко појавување на групата „BTS“.
Официјалните фудбалски правила, кои ги пропишува Меѓународниот одбор на фудбалски асоцијации, наведуваат дека паузата помеѓу двете полувремиња не треба да трае подолго од 15 минути, па сè уште не е познато дали правилото ќе биде изменето за да се овозможи настап, слично на шоу-програмите на полувремето за време на финалињата на „Super Bowl“.
Минатата недела „FIFA“ соопшти дека регетон ѕвездата Џеј Балвин ќе ја предводи церемонијата на отворањето на Светското првенство во Мексико Сити. На настапот ќе учествуваат и Алехандро Фернандез, Белинда, Дени Оушн, Лили Даунс …
