Јап Стам не мина премногу време во Манчестер Јунајтед, но трите години на „Олд Трафорд“ оставија трага кај него да го цени и почитува клубот до крајот на животот.
Холанѓанецот сака да го види Јунајтед на врвот, да биде успешен, да се бори за најважните титули, но да се реализира тоа сценарио дефинитивно ќе мора да се решат некои проблеми, а и соодветно да се засили екипата.
Премиерлигашот сигурно ќе ја освежува средината на теренот и според Стам идеално засилување е Френки Де Јонг од Барселона.
- Френки де Јонг би бил идеален играч за Манчестер Јунајтед, да им помогне бидејќи е толку добар со топката. Можеби можеме да разговараме за неговата цврстина (физикус) во Премиер лигата. Бидејќи ако се вклучите во натпревар еден против еден или во делот со одземање на топката и физичкиот дел, тогаш секако дека тој не е најголем, но е многу добар играч. И мислам дека гледајќи го Мајкл Карик, како сака да игра, тој исто така сака играчи кои можат да ја контролираат играта со топката во своите нозе и да бидат многу доминантни. Тогаш не треба многу да се браните.
- Но, Френки, да, тој е играч од светска класа. Тој е еден од најдобрите играчи од средниот ред што постојат и се чувствува многу удобно со топката, особено играјќи одзади и диктирајќи го тоа и помагајќи му на тимот да оди напред и да влезе во последната третина за да постигнува голови. Значи, ако имаше можност за Јунајтед, би им помогнал. Ќе одам со велосипед до Барселона и ќе го донесам во Јунајтед, нема проблем, - вели Јап кој кога е во прашање дефанзивата го препорачува Мики Ван Де Вен.
- Мики ван де Вен е подготвен да напредува. Мислам дека е многу добар во прилагодувањето на одредено ниво. И секој пат кога ќе го подигне тоа, ако го направи следниот чекор кон повисоко ниво, тогаш самиот станува подобар играч. Мики веројатно би одел во еден од најдобрите тимови во Премиер лигата, како Ливерпул, но исто така би можел да оди во Јунајтед, бидејќи би бил одличен играч за Јунајтед. Значи, може да игра како лев бек, може да игра како стопер.
- Мислам дека ваквите играчи во вашиот тим се идеални за менаџер при донесување одлуки, но исто така и дека сте самоуверени кога играте, дека кога противникот ќе ве помине или ќе ја префрли топката преку глава, имате играчи кои можат да го одбранат тој голем простор, - заврши легендата.
