[ВИДЕО] „Мажите не умееја да ги задоволат своите девојки, па јас го правев тоа“: Познатата манекенка пред 20.000 луѓе ја открила својата интима

„Бев немирна, таква сум родена“, изјавила манекенката Кара Делевињ пред публиката. Музичката ѕвезда Росалија го одржала концертот во Лондон во рамки на светската турнеја „Lux“. Дел од нејзините настапи се и појавувања на познати личности кои во специфична исповедалница ги откриваат своите тајни.

„Ако не знаевте, јас сум лезбејка“, изјавила манекенката Кара Делевињ, која во 2020 година соопштила дека е пансексуална, што значи дека ја привлекуваат луѓе без разлика на полот или родовиот идентитет. „Некогаш имав слабост кон хетеросексуални жени, кои и не беа баш толку хетеросексуални“, додала Делевињ, која се занимава и со глума.

Розалија ја интересирало зошто ја привлекувале хетеросексуални жени. „Тоа е предизвик, но искрено не мислам дека некој некогаш е 100 отсто хетеросексуален.“

Публиката тоа го поздравила, а модната ѕвезда порачала: „Исто така мислам дека мажите не знаеја доволно добро како да ги задоволат своите девојки, па јас го направив тоа.“

Кара Делевињ се појавила на неодамна одржаната Мет Гала, каде што носела фустан од Ралф Лорен. Посебен детаљ бил рачно извезениот паун со повеќе од 10.000 кристали што го красел целосно проѕирниот дел на фустанот. Со тоа модата била прикажана како „подвижна скулптура“, а биле истакнати прецизноста и занаетчиската умешност.

Нејзиниот стајлинг некои го споредија со едиторијалот на Руни Мара за Вог од 2011 година, кој го креирал Ралф Лорен, но тој едиторијал бил со мотив на змеј. Дизајнот на фустанот си поигрувал со перцепцијата на формата и телото, што било централен дел од изложбата „Уметноста на костимот“.

Манекенката Кара Делевињ и нејзиниот тим го испочитувале и дрес-кодот „Модата е уметност“, и тоа со фустан што ја доловува уметничката страна на модата. Тоа бил еден од начините да се усогласите со темата што била зададена, а другиот начин бил преку облеката да се прикажат уметнички дела од светот на сликарството, вајарството, филмот...

Кара Делевињ на концертот во Лондон говорела и за својата четиригодишна врска со пејачката Минке (34).

„Сега сум во сериозна врска. Порано секогаш сакав да бидам доминантна и да контролирам. Мислам дека тоа беше затоа што се плашев некој навистина да ја види вистинската јас. Се плашев да се препуштам бидејќи не сакав да примам љубов. Но сега мислам дека сум подготвена“, ѝ се доверила на Розалија.

Потоа побарала совет: „Само сакам да бидам сигурна дека, дури и ако се препуштам, нема да го изгубам оној дел од себе што може да биде огнен, доминантен Лав, а тоа сум јас.“

Пејачката ѝ одговорила: „Зошто мора да бидеш едното или другото?“ Манекенката додала: „Не морам. Само сакам да бидам сигурна во тоа, а чувствувам дека ти го знаеш тоа.“

Кара Делевињ својата девојка ја запознала во интернатот „Bede’s“ во Хемпшир, а врската ја започнале во 2022 година по случајна средба на концерт на Аланис Морисет.

Врската главно ја држеле во тајност, а Кара претходно изјавила дека Минке ѝ помогнала да остане трезна. „Мојата девојка беше навистина прекрасна и ме запозна со толку многу работи и луѓе“, изјавила за „Elle UK“ во 2024 година, додавајќи: „Толку многу нешта се случија во таа врска што одеднаш ме направија среќна и задоволна.“

Манекенката била поврзувана и со глумицата Ешли Бенсон, музичарот Сент Винсент и глумицата Мишел Родригез, а порано за „Vogue“ зборувала и за одлуката повеќе да не крие кого сака.

„Едноставно одлучив да ги ставам картите на маса и да кажам: ‘Гледајте, вљубена сум, и вљубена сум во личноста во која сум вљубена’. Бев уморна од тоа да се срамам од тоа кого сакам и која сум. За мене тоа е едноставно: љубовта е љубов и треба да бидеме во можност да сакаме кого и да сакаме.“