Ваквите ситуации не се без преседан.

Потсетување на 1992: Како Југославија беше исфрлена од ЕП

Еден од највпечатливите примери се случи во 1992 година, кога репрезентацијата на Југославија се пласираше на Европското првенство во Шведска, каде важеше за еден од главните фаворити.

Сепак, во меѓувреме избувна војна, а меѓународната заедница воведе санкции кон тогашната Сојузна Република Југославија.

Непосредно пред почетокот на турнирот, под покровителство на „UEFA“, Југославија беше исфрлена од Европското првенство 1992, а нејзиното место го зазеде селекцијата на Данска, која на крај сензационално ја освои титулата.

„Италија заслужува место на Мундијалот“

Овој историски пример јасно покажува дека политичките одлуки можат да имаат огромно влијание врз спортските натпреварувања, исто како што денес се шпекулира во случајот со Иран и Италија.

Имено, пратеник на Доналд Трамп побара од Светската фудбалска федерација наместо Иран на Светското првенство да биде вклучена селекцијата на Италија.

„Потврдувам дека му предложив на Трамп и на (претседателот на „FIFA“ Џани Инфантино) Италија да го замени Иран на Светското првенство. Роден сум Италијанец и би било сон да ги видам ’азурите‘ на турнирот што се одржува во САД. Со четири освоени титули, тие имаат педигре што го оправдува нивното учество“, изјави специјалниот пратеник на САД Паоло Замполи.

Рускиот пример потврдува: Политиката и фудбалот се поврзани

Сличен пример постои и во случајот со Русија.

Поради војната во Украина, Русија е суспендирана од меѓународните натпреварувања од страна на „FIFA“ и „UEFA“, поради што нејзините клубови и репрезентација подолго време не можат да учествуваат на најголемите фудбалски сцени.

Сето тоа покажува дека спортот, колку и да се стреми да остане надвор од политичките случувања, често не може да избега од реалноста и дека одлуките надвор од теренот неретко имаат огромно влијание врз она што го гледаме на него.