Од почетокот на војната во Украина, автомобилскиот пазар во Русија го напуштија бројни брендови. Празнината ја пополнија „сивиот“ и „црниот“ увоз, како и домашни марки кои всушност само ги препакуваат кинеските возила.
Еден од ваквите проекти го започна „AvtoVAZ“, познат по „Lada“, а станува збор за брендот „Xcite“, кој беше лансиран во пролетта 2024 година. Производството е организирано во поранешната фабрика на „Nissan“ во Санкт Петербург.
Производството беше запрено минатата есен, иако фабриката во тој момент имала околу 3.500 готови автомобили на залиха. Тие сè уште се продаваат, но со многу бавно темпо – финскиот весник „Ilta-Lehti“ дури известува за целосен фијаско.
Во првите три месеци од оваа година во Русија се регистрирани само 25 нови автомобили од овој бренд, што претставува пад од речиси 70 проценти во споредба со истиот период минатата година, кога продажбата исто така била скромна. Во исто време, илјадници возила остануваат непродадени на залихите кај дилерите.
Постојат јасни причини за овој неуспех. Моделите на „Xcite“ немаат иновативност и не претставуваат „најнова понуда“ на пазарот. Најпродаваниот модел, „X-Cross 7“, всушност е преименувана верзија на кинескиот модел „Chery Tiggo 7“, пренесува „RevijaHAK“.
Истиот автомобил под различни имиња се продава и во Европа, вклучувајќи го „DR 6.0“ во Италија и „Ebro S700“ во Шпанија. Под хаубата се наоѓа кинеска технологија, но со нов амблем на предниот дел – очигледно, овој модел не е особено привлечен за руските купувачи.
