Нивното патување околу задната страна на Месечината денес ќе ги одведе на максимална оддалеченост од 252.752 милји од Земјата.

Астронаутите патуваат подалеку од Земјата од кога било досега

Четворицата астронаути стануваат најоддалечените луѓе од Земјата и го надминуваат рекордот од 1970 година на петтиот ден од мисијата.

Астронаутите од мисијата Артемис II го срушија рекордот на "Аполо 13" во 13:57 по источно време во понеделник, прегрнувајќи се во тесната капсула додека влегуваа во историјата како првите четири лица кои патувале подалеку од Земјата од кој било претходно, пишува „Guardian“.

Пред поставувањето на рекордот, четиричлената екипа ги пригушила светлата во капсулата и се наместила покрај прозорците за да се подготви за рекордната оддалеченост додека минуваат покрај Месечината без запирање – со план потоа да се вратат кон Земјата.

„Неверојатно е што може да се види со голо око од Месечината токму сега“, јави канадскиот астронаут Џереми Хансен непосредно пред прелетот. „Тоа е едноставно неверојатно.“

Тој ги повика „оваа и идните генерации да се погрижат овој рекорд да не трае долго“.

Астронаутите – Рид Вајсман, Виктор Гловер и Кристина Кук од американската вселенска агенција „NASA“, како и Хансен од Канадската вселенска агенција – ќе станат луѓето кои најдалеку отпатувале од Земјата, достигнувајќи 5.000 милји (8.000 км) подалеку од Месечината, надминувајќи го рекордот што го постави несреќната мисија Аполо 13 во 1970 година.