Првото коло по последната репрезентативна пауза во оваа натпреварувачка сезона ќе се памети по скандалозните случувања во португалскиот фудбал, од една страна поради срамната победа која ја оствари Спортинг Лисабон со голема судиска помош, но и поради киксот на Порто.
Лидерот на табелата направи Спортинг дополнително да верува во титулата откако одигра 2:2 против Фамаликао на домашен терен, а ситуацијата беше уште потрагична за домаќините бидејќи примија гол во 99-та минута.
Порто испушти важни два бода во битката за титулата, но пред да дојде до крајното разочарување, мора да се потенцира дека на еден домашен фудбалер му беше простен директен црвен картон.
🚨 UNACCEPTABLE SCENES IN PORTUGUESE FOOTBALL 😡
— Topskills Sports UK (@topskillsportuk) April 5, 2026
Clear and shocking footage shows FC Porto’s Alberto Costa spitting on Famalicão’s Sorriso while the opponent was on the ground after a foul in the 86th minute.
A clear act of complete indiscipline and total lack of sportsmanship.… pic.twitter.com/5HxbY862vg
Дефанзивецот Алберто Кошта беше стрелец на првиот гол на Порто, но во продолжение го режираше и најгадниот и најужасен потег на средбата.
Десниот бек на Порто го плукна ривалот Сорисо додека овој беше на земја, па непријатната сцена доби и скандалозна страна поради тоа што не реагираше главниот судија, но и луѓето во ВАР собата.
Уличарскиот потег на Кошта предизвика лавина од реакции во јавноста, а голем дел од медиумите бараат да биде казнет од дисциплинците и покрај тоа што не доби опомена за плукањето.
