Филмот ги следи двајцата млади британски војници за време на Првата светска војна, кои тргнуваат на опасна мисија зад непријателските линии за да спречат катастрофа.

Приказната е инспирирана од раскажувањата што режисерот ги слушал од својот дедо, а е сместена во времето на операцијата Алберих, повлекувањето на германската војска кон линијата Хинденбург на Западниот фронт во Франција. Визуелните прикази на од војната разурнатите пејзажи често се истакнуваат како еден од најсилните елементи на филмот, поради што многумина го нарекуваат кинематографско ремек-дело, пишува „Дејли Експрес“.

Реакциите на гледачите се главно позитивни

Филмот постигна голем успех и во индустријата, со дури десет номинации за Оскар на 92-то доделување, од кои освои три – за најдобра фотографија, звук и визуелни ефекти. Освен тоа, беше награден и со два Златни глобуси, вклучително и за најдобар драмски филм и за најдобра режија.

Во главните улоги се Џорџ Мекеј и Дин-Чарлс Чепмен, додека во филмот се појавуваат и Бенедикт Камбербач, Колин Ферт и Ендрју Скот. Нивните изведби публиката често ги истакнува како силни и уверливи, особено во комбинација со технички сложениот начин на снимање.

Реакциите на гледачите се главно многу позитивни. „Ова е ремек-дело! Благодарение на неверојатната режија и визија на Сем Мендес и Роџер Дикинс, ниту еден момент не е залудно потрошен“, напишал еден гледач.

Други истакнале дека филмот ја остава публиката „во целосна, запрепастена тишина“, додека трет додал дека „му се навраќа неколкупати годишно затоа што навистина е моќен“. Сепак, има и критики: „Долгите сцени станаа пречка, а не дополнување на раскажувањето. Целиот филм делуваше како еден долг трик“.

Филмот е достапен на Нетфликс.