Бем Адебајо ја заокружи својата нестварна ноќ во Мајами со 83 постигнати поени на дуелот со Вашингтон и на тој начин стигна до второто место на вечната листа на НБА лигата за играч со најмногу поени на еден натпревар.
Адебајо останува зад Вилт Чембрлен, но го потисна Коби Брајант со неговиот ефект од 81 поен на третото место и предизвика вистинско шоу за фановите на Флорида.
Мајами го доби натпреварот со 150:129, а Адебајо постигнал седум тројки, реализираше 13 од 21 обид од поле, а уфрли и 36 слободни фрлања во противничкиот кош за комплетирање на магичната бројка од 83 поени, нешто што ретко кој би помислил дека може да биде направено токму од овој играч.
Истовремено, Адебајо го собори рекордот на франшизата, кој досега беше во сопственост на ЛеБрон Џејмс (61 поен), а стана играч и со најмногу погодени слободни фрлања во историјата на НБА лигата.
Пред дуелот со Вашингтон, личниот рекорд на Адебајо беше 41 поен и тој го постигна во 2021 година на дуелот со Бруклин.
