Австралијката за свадбата облекла долга и широка пастелно светлозелена тоалета, додека нејзиниот партнер носел елегантен црн смокинг. Максималистичкиот фустан, кој Џорџи го опиша како свој „најомилен фустан на сите времиња“, ја чинел вистинско богатство. Во коментарите потврдила дека го платила 1.070 евра. Џорџи комбинацијата ја надополнила со елегантна фризура, златен накит и кремаста чанта.

„Скапо не значи секогаш добро“

Иако парот позирал со насмевка, а Џорџи порача „Живееме за "black tie" свадби“, набрзо следела лавина од брутални коментари. Многу корисници нејзиниот скап фустан го споредиле со постелнина.

„Која е оваа големина, брачен кревет или поголем?“ се пошегувал еден корисник во коментар што собрал 14 илјади лајкови. „Кога свадбата е во 15 часот, а имаш магнетна резонанца во 17“, додал друг. „Дали свадбата се одржа внатре во твојот фустан?“ прашал трет.

„Никогаш не би дала толку пари за тоа“, „Не знам дали ова е шега или не“, „Скапо не значи секогаш добро“, „Кога во 15 имаш свадба, а веќе во 19 сакаш да си во кревет“, „Изгледа како болнички фустан“, „Изгледаш како шатор“, „Знаев дека коментарите ќе бидат урнебесни“, беа само дел од реакциите.

Го исмеаја и цветот на реверот

Не само фустанот предизвика потсмев, туку вистинска хистерија предизвика и цветот на реверот на сакото на нејзиниот партнер. Поради неговата жолта боја, многумина го помешаа со популарно овошје.

„Плачам, мислев дека има кора од банана на сакото“, напиша една корисничка.

„Комбинацијата од кора од банана и чаршаф е елитна“, се пошегува друг.

Некои сепак застанаа во одбрана

За среќа на парот, не сите коментари беа негативни. Многумина застанаа во нивна одбрана и го пофалија нивниот моден избор, спротивставувајќи се на критичарите.

„Мене фустанот всушност многу ми се допаѓа од модна гледна точка“, порача еден љубител на стилот. „Девојките што се разбираат — се разбираат! Неверојатно“, заклучи друга корисничка.