Манчестер Јунајтед е тимот кој е во најдобра форма во Премиер лигата откако составот го презема легендата на клубот Мајкл Карик.
По отказот на Рубен Аморим и кратката епизода на Дарен Флечер, управата одлучи да го ангажира Карик до крајот на сезоната како привремено решение, но шесте победи во седумте натпревари, освоените 19 од вкупно 21 бод говорат дека стратегот направи револуција на „Олд Трафорд“.
Поради ова се среќни навивачите, па дури и легендите станаа похрабри и Гери Невил предвидува дека Јунајтед ќе заврши трет на крајот на натпреварувачката 2025/2026.
- Мислам дека Јунајтед дефинитивно ќе заврши трет. Не можам да верувам дека го кажувам тоа од каде што беа пред шест недели. Но, тие немаат никакви одвлекувања на вниманието, нешто добро се случува, целиот моментум. Мислам дека Ливерпул ќе заврши на четвртото место, а Челси ќе биде петти. Се надевам дека Вила ќе заврши меѓу првите пет, навистина се надевам. Претходно реков дека нивниот менаџер е искусен и мудар човек. Ако вратат некои играчи; повредените играчи од средниот ред ги чинеа во последните неколку недели.
- Мислам дека ќе биде Манчестер Јунајтед, Ливерпул и Челси. Единствениот сомнеж ќе биде Челси или Вила за петтото место. Повредите ќе бидат голем фактор. Другите натпреварувања ќе бидат голем фактор. Во моментов, тие се во опасност-Вила. Тие се ранливи во однос на местата во Лигата на шампионите, - порача некогашниот англиски репрезентативец.
