Во видеото објаснува дека Норвешка има еден од највисоките студентски стандарди во Европа и дека домовите се „важен дел од системот“. „Живеам во еден од најдобрите студентски домови и еве зошто. Тука студентското сместување не значи импровизација, туку организиран, безбеден и квалитетен простор за живеење“, вели во видеото.

Сите користат картички за отклучување

Николиќ наведува дека домот има околу 550 соби и дека влезот и движењето низ зградата се организирани преку систем на картички. Како што вели, со картичка се отклучува влезот во зградата, потоа катот, па станот и на крај – самата соба.

Особено истакнува дека е вообичаено секој студент да има сопствена соба, додека кујната и бањата се делат, најчесто со најмногу седум лица. „Приватниот простор е загарантиран“, порачува тој.

Пералната е автоматизирана, се плаќа со картичка

Во рамки на домот има и перална, а Никола тврди дека машините за перење се целосно автоматизирани – доволно е да се стави облеката и да се плати со картичка.

Патем се осврна и на норвешките навики за плаќање: „Во Норвешка воопшто не користат хартиени пари“, додаде, со напомена дека за тоа ќе зборува повеќе во друго видео.

Цена од 400 до 600 евра, вклучени интернет и струја

Николиќ вели дека домот се плаќа месечно и дека студентите потпишуваат договор во износ од 400 до 600 евра, со вклучени интернет и струја. Истакнува дека тоа, со оглед на Осло, е „многу поволно“.

Покрај сместувањето, на студентите им се достапни и дополнителни содржини – на располагање имаат голема теретана, олимписки базен и сауни, а месечната членарина изнесува околу 279 круни (околу 25 евра). „И тоа е исклучително пристапно“, нагласи тој.

Ја опиша и атмосферата во домот. „Тука живеат студенти од различни земји, дружењата се чести, а се организираат и разни активности. Домовите во Осло собираат студенти од различни држави, атмосферата е интернационална… Сето ова дава чувство на сигурност што секој студент кој сака да учи го заслужува“, заклучи на крајот.