Фудбалерите на Шкендија издвојуваа победа над Силекс од 2-1 во дерби натпреварот од 19. коло во Првата македонска лига.
Ова беше меч кој можеа да го добијат двете екипи, но актуелниот првак во самата завршница даде убав погодок преку Зејнулаи и тоа откако неколку минути претходно Мишов не реализираше зицер за клубот од Кратово.
Инаку првите два гола на соочувањето паднаа во првото полувреме преку Тамба во 17 и Бутуровиќ во 45 минута.
Со овој триумф Шкендија ја продолжи победничката серија во шампионатот и ја мина Струга Трим Љум на табелата, поточно сега пред нив е само лидерот Вардар со шест бода предност.
