Четиринаесетти февруари за многу парови претставува можност за романтични гестови и размена на подароци.
Сепак, во Зрењанин овој датум беше одбележан со несекојдневна ситуација што го привлече вниманието на минувачите и возачите.
На аголот од улиците Змај Јовина и Скадарска осамна билборд со порака што предизвика бројни реакции. Со илустрации од црвени срца, на големиот екран стоеше натпис упатен до извесен Марко, во кој од него се бара да ѝ признае на сопругата наводна врска, со дополнување дека испраќачката на пораката – е бремена.
Содржината на пораката многумина ги затече – едни ситуацијата ја доживеаја како духовита и необична честитка за Денот на вљубените, додека други коментираа дека ваков јавен истап би можел да има сериозни последици врз приватниот живот на лицето на кое му е упатена.
Засега не е познато кој стои зад пораката ниту дали станува збор за шега, маркетиншки потег или вистинска приватна ситуација. Сепак, билбордот во текот на денот стана една од главните теми на разговор меѓу граѓаните, а фотографиите од натписот брзо се проширија на социјалните мрежи.
Без оглед на позадината на целиот случај, јасно е дека овој 14-ти февруари за лицето на кое му е наменета пораката ќе остане запаметен по невообичаеното и јавно изненадување.
