Невообичаени школки ги трансформираа плажите, а сето тоа го збунило локалното население, но и експертите.
Необичните, едноноги суштества што се појавиле на плажите ги потсетија мештаните на суштествата од популарната серија „Stranger Things“, но се чини дека сепак станува збор за безопасен феномен.
Голем број школки од видот „Lutraria lutraria“ неодамна биле откриени по должината на бреговите на заливот Стадленд во Дорсет, југозападна Англија. Овие школки обично се со овална форма и обично живеат длабоко под морското дно, па затоа луѓето ретко ги гледаат.
Stranger things… on our shores!
As well as a shipwreck, there have been some seriously strange things washing up on...
Posted by National Trust Purbeck Countryside on Tuesday, February 10, 2026
„Чудни нешта на нашите брегови. Покрај бродоломи, некои многу чудни нешта се појавија на нашите плажи во последните неколку недели“, изјавил портпаролот на Националниот фонд „Пурбек Кантрисајд“.
Експертите веруваат дека тие биле исфрлени на брегот од неодамнешна бура. За жал, повеќето од школките умреле, а оние што преживеале веројатно нема да преживеат дури и ако се вратат во морето, објави „Daily Mail“.
Научник од Фондот за диви животни Дорсет процениl дека школките се стари околу седум години. Последното поголемо насукување на школките во Дорсет било во 2018 година, а се смета дека популацијата закрепнала оттогаш.
„Настани како овој покажуваат колку се богати водите околу заливот Стадленд во однос на морскиот свет. Не е ни чудо што толку многу птици презимуваат тука“, додал портпаролот.
Сепак, глетката на мртвите суштества на плажата предизвикала тага и загриженост кај локалните жители.
„Тажно е да се види, се надевам дека бројките ќе се намалат“, изјавила една локална жена.
