Кукурелја и Адама си разменија пораки по виралната сцена која ја режираа на „Стемфорд Бриџ“

Иако најдебелиот крај го извлекоа други играчи, двајата шпански фудбалери беа оние кои беа иницијална каписла за целиот метеж кој настана во аголот на теренот, а начинот на кој Адама демонстрираше сила во дуелот со Кукурелја беше апсолутен хит на социјалните мрежи во изминатите неколку дена.

Моќниот Траоре буквално го фрли Кукурелја во реклманото пано на „Стемфорд Бриџ“, а бидејќи станува збор за играчи кои добро се познаваат од младинските категории, сега двајцата отворено говореа за инцидентот во отворената емисија на стриминг сервисот „3cat“.

– Во даден момент од акцијата, потстанав и почувствував дека сум многу блиску до Адама. Тогаш си кажав, ќе ја турнам мојата глава во него и да видам што ќе се случи. Тој ме фати и ме фрли во рекламното пано и така настана голема мешаница, – порача Кукурелја, по што се надоврза Адама.

– Му се извинив на Марк, тој е многу добро момче. Се што се случува на теренот, останува таму. Тоа беше момент на нервоза и возбуда, немав намера да направам такво нешто. Моја единствена цел беше да зборувам со линискиот судија, – изјави Траоре, по што Кукурелја го затвори разговорот.

– Ова се работи кои се случуваат на теренот. Јас немам никаков проблем, иако ќе размислам дали да го поздравам после ова. Сега сум навистина мирен, бидејќи меѓу нас стои и едно рекламно пано. Се шегувам секако, сите работи остануваат на теренот, – низ смеа заврши Кукурелја.