Манекенката Амелија Греј Хамлин, позната и како „непо бебе“, со оглед на тоа што нејзините родители се славната Лиса Рина и актерот Хари Хамлин, конечно проговорила за сите естетски зафати на кои се подложила.
Најмногу внимание привлекуваа нејзините усни, но како што тврди Амелија, нив никогаш не ги допрела.
„Отсекогаш сум ги имала овие усни. Во моментов правам нешто што се вика SkinVive, тоа е инјекција за хидратација, а не филер“, изјавила за „Variety“.
Освен тоа, направила операции на носот и градите, а отворено зборувала и за нарушувањето во исхраната што го имала порано.
„Имав 16 години и имав маститис. Тоа беше најлошото нешто што ми се случило. Тогаш ги намалив градите, а потоа ги зголемив затоа што излегував со маж кој беше постар од мене и дозволив неговата перцепција за убавина да се пренесе на мене“, раскажала Амелија.
Тоа било втор пат да ги оперира градите, но овој пат имала компликации. Нејзиниот организам не го прифатил страното тело (туѓ предмет) и била потребна нова итна операција, која траела дури 14 часа.
Денес, Амелија живее поинаков начин на живот, но често се потсетува на сите проблеми што ги имала, меѓу кои и нарушувањето во исхраната.
„Тогаш ми рекоа дека, приближно за четири месеци, ќе имам 20 килограми и ќе бидам мртва. Потоа се освестив и сфатив дека не сакам да си го уништам животот на тој начин. Не мора да бидеш слаб за да го живееш најдобриот можен живот“, нагласила Амелија.
