И додека во Давос често се говори како за симбол на глобалната елита, ретко се поставува прашањето – зошто баш Давос?

Одговорот е многу попрост отколку што често се мисли и има врска со историјата, неутралноста и внимателно избраното опкружување.

Сѐ започнало во 1971 година

Светскиот економски форум го основал германско-швајцарскиот економист Клаус Шваб во 1971 година. Во тоа време, тој се нарекувал Европски менаџмент форум и бил наменет за директорите на компаниите од Европа кои сакале да го унапредат делувањето низ размена на знаења и искуства.

Давос е избран од практични причини: веќе имал инфраструктура за меѓународни конгреси, бил лесно достапен, а истовремено доволно изолиран да овозможи фокусирани разговори. Како што форумот растел и прераснал во европски рамки, името се сменило, но локацијата останала иста. Традицијата станала идентитет.

Неутрална територија во светот на поделбите

Швајцарија со децении е синоним за политичка неутралност. Не е член на Европската унија, не учествува во воените блокови и има стабилен политички и финансиски систем. Токму за таа позиција се чини идеален домаќин за собир на којшто на иста маса седат лидери на земји кои често се на спротивните страни од глобалните конфликти.

Во Давос никој не е „на туѓ терен“. Тоа е место каде полесно се разговара, преговара и слуша, барем во теорија.

Мал град, голема контрола

За разлика од големите метрополи, Давос е мал планински град со ограничен број на пристапи. Тоа го прави значајно полесен за обезбедување. Безбедноста е една од клучните причини зошто форумот никогаш не бил преселен во некоја друга светска престолнина.

Учесниците се движат меѓу неколку хотели, конференциски сали и ресторани, што дополнително ги поттикнува неформалните средби, често поважни од самите панели и говори.

Давос назима не е гламурозна туристичка дестинација во класична смисла. Снегот, студот и планинското опкружување создаваат чувство на изолација од секојдневието. Токму тоа е дел од концептот.

Идејата на форумот е учесниците на неколку денови да „излезат“ од вообичаениот ритам, да ги остават настрана дневната политика и пазарните притисоци и да се посветат на долгорочни теми – економија, технологија, климатски промени и иднината на работата.

Давос како бренд

Со текот на времето Давос станал многу повеќе од локација. Станал симбол. Кога се вели „Давос“ не се мисли само на место туку на концепт, средба на политиката, капиталот и идеите.

Иако често се критикува како затворен клуб на привилегираните, Светскиот економски форум во Давос останува единствена платформа на која, барем формално, се разговара за проблемите кои се однесуваат на целиот свет.

Зошто Давос и денес?

Затоа што го спојува она што му е потребно на форумот:

- историјата и континуитетот;
- политичката неутралност;
- безбедноста и контролата;
- изолацијата која поттикнува фокус;
- моќна симболика на глобална моќ.

Во светот којшто постојано се менува, Давос останал константа, мало гратче на Алпите во кое барем на неколку денови годишно има обиди да се разговара за големите глобални прашања.