Но, брзо сфатила дека всушност се работело за 2,5 метри долг „carpet“ питон (Morelia spilota).

За среќа, успеала да се извлече од креветот, а потоа и да ја исфрли змијата низ прозорецот од куќата.

Се сомнева дека питонот се искачил до вториот кат од куќата, ја турнал дрвената ролетна, се провлекол низ прозорецот и потоа се свиткал на градите на Рејчел.

Жената успеала да реагира присебно, бидејќи, како што рекла, не се плаши од змии, но затоа има длабок страв од жаби. „Краставите жаби ме ужасуваат“, изјавила таа за „Abc.net.au“.

Дворовите како „совршено живеалиште“

Ловецот на змии од Ипсвич, Курт Вајт, изјавил дека активноста на змиите во Австралија е засилена затоа што сезоната на парење завршила и се излегле многу млади единки.

„Очигледно, со овие жештини, гледаме многу од нив како се во движење и како се сончаат“, рекол Вајт.

Тој навел дека бројот на змии не се зголемил, но дека луѓето пријавуваат повеќе средби затоа што новите станбени населби ги заменуваат природните живеалишта.

„Мора некаде да живеат, а нашите дворови им нудат совршено живеалиште. За жал, празнините под гаражните врати претставуваат совршени влезови за змии“, објаснил експертот за влекачи.

Тој исто така истакнал дека во последно време во Австралија има сè повеќе каснувања од змии.

„Веројатно околу 90 отсто од таквите случаи се последица на тоа што луѓето ги допираат змиите. Само повикајте професионалци“, нагласил Вајт.