Тој нагласи и дека „Corolla“ е позната по ниската потрошувачка на гориво, што ја прави идеален прв автомобил, особено за млади и почетници зад волан. Килмер, кој според претходни објави е голем љубител на јапонските автомобили, со години ја истакнува „Toyota“ како синоним за издржливост и сигурност на патот.

„Нема потреба да купувате нов автомобил, лесно е да се најде половен“

Говорејќи на својот канал на „YouTube“, Килмер објасни:

„Продадени се огромен број „Corolla“, па ги има многу на пазарот и лесно е да се најде добар половен примерок. Нема потреба да купувате нов автомобил. Предниот погон е одличен и на дожд и на снег. Внатрешноста е значително унапредена, автомобилот убаво изгледа, доволно е брз, малку троши и има сосема доволно простор. Затоа е идеален како прво возило.

Најпродаваниот модел на „Toyota“ во историјата

Килмер додаде дека претходно возел помала „Toyota Yaris“, но дека „Corolla“ е „уште поекономична од ’Yaris‘, што е изненадувачки за таа класа“.

Посебно се осврна на безбедноста и трошоците:

„Има воздушни перничиња насекаде во кабината, поради што е исклучително безбедна. Помалите автомобили се поевтини за осигурување, но ако бирате прво возило за тинејџер, „Corolla“ е најдобриот избор.

„Toyota Corolla“ за првпат се појави во 1960-тите години, а веќе во текот на 1970-тите стана едно од најпопуларните возила во Јапонија. Со текот на времето, таа стана најпродаваниот модел на „Toyota“ и едно од најуспешните возила во историјата на автомобилската индустрија.

Цени на половни автомобили

Цените на половните „Toyota Corolla“ варираат во зависност од годиштето, километражата и состојбата на возилото.

Постарите модели на пазарот може да се најдат во распон од 5.000 до 10.000 евра, додека поновите хибридни примероци со мала километража достигнуваат и до 20.000 евра.

„Corolla“ и денес важи за еден од најисплатливите и најдолготрајните автомобили, особено за купувачите кои приоритет им даваат на безбедноста, сигурноста и ниските трошоци за одржување.