Тили Нурвуд е актерка која е создадена со помош на вештачка интелигенција.
Нејзиниот виртуелен лик предизвика бројни реакции од филмските работници кои веруваат дека вештачката интелигенција им ги одзема работните места.
Елин Ван дер Велден, директорка на продуцентската компанија „Particle6“, што ја создаала Тили Нурвуд, изјави:
„Во февруари 2025 година, видов како се појавуваат многу инфлуенсери со вештачка интелигенција. Експериментиравме со вештачка интелигенција во последните три години и мислев дека би било навистина забавно да создадеме компјутерски генериран „AI“ лик. Долго и напорно размислувавме за тоа како треба да се вика, како треба да изгледа и каква ќе биде нејзината личност и тоа стана Тили Норвуд.“ Потоа, актерката со вештачка интелигенција накратко се претставила.
„Здраво, јас сум првата актерка со вештачка интелигенција во светот. Мило ми е што те запознав“, рече таа.
Директорката на претходно споменатата продуцентска компанија рекла дека тие создаваат „универзум“ околу неа наречен Тиливерс. Тили Нурвуд била претставена во септември оваа година на Филмскиот фестивал во Цирих.
После тоа, на социјалните мрежи беа објавени видеа на кои се гледа како се појавува во лажни трејлери за фантастични, хорор и акциони филмови итн. Актерките Мелиса Барера, Киерси Клемонс и Наташа Лион потоа повикале на бојкот на агенциите што ја промовираат Тили Нурвуд.
