Фудбалерите на Пари Сен Жермен синоќа станаа освојувачи на Интерконтиненталниот куп на ФИФА, односно поранешното Светско клупско првенство, по победата над Фламенго со резултат 2:1 по изведувањето пенали, при што историски настап имаше голманот Матвеј Сафонов.
Матвеј Сафонов стана првиот голман во историјата на фудбалот кој во натпреварување под капата на ФИФА одбранил четири последователни пенали. Тој тоа го направи во пенал-серијата што Пари Сен Жермен ја доби со резултат 2:1 и на тој начин ја освои престижната светска круна.
Непосредно пред историскиот подвиг, Сафонов беше снимен во една интересна сцена. Имено, на рускиот голман му донеле пешкир на кој биле залепени упатства за тоа како фудбалерите на Фламенго ги изведуваат пеналите.
Before the penalty shootout, PSG goalkeeper Matvey Safonov was seen talking with the coaching staff and was handed a note on a towel with what appeared to contain instructions on where Flamengo players were likely to shoot. He held onto it throughout the shootout until the end 🧤… pic.twitter.com/DEUFFDxqd7
— ESPN FC (@ESPNFC) December 17, 2025
Сафонов го понел пешкирот до голот и пред секој пенал на Фламенго внимателно прочитал како најчесто изведувачот шутира од белата точка и во која страна најчесто упатува удар.
Сето тоа, очигледно, вроди со плод, па рускиот голман одбрани четири последователни пенали. По ред шутираа Саул Нигез, Педро, Лео Переира и Луиз Араухо, но сите нивни удари ги запре Сафонов.
THE RUSSIAN WALL 🇷🇺pic.twitter.com/nJkg3RpGYw
— 𝐏𝐒𝐆𝐈𝐍𝐓 (@PSGINT_) December 18, 2025
Со тоа Пари Сен Жермен ги обедини титулите првак на Франција, првак на Европа и првак на Интерконтиненталниот куп, кој до оваа година беше и натпреварување за светски клупски првак, но ФИФА одлучи да воведе ново натпреварување – Светско клупско првенство, на кое ќе учествуваат 32 екипи.
Интересно е што Европа го држи приматот веќе 13 години и нема загубено финале на ова натпреварување. Последниот неевропски клуб што го освоил ова натпреварување е Коринтијанс во 2012 година.
