Бен Афлек зад себе има повеќе од педесет филмски улоги откако заедно со Мет Дејмон во 1997 година го освои Холивуд со хитот „Good Will Hunting“, филм кој го лансираше сценаристичкиото дуо меѓу најголемите имиња во индустријата.
Сепак, и покрај успесите, кариерата на Афлек не била без падови, а еден од режисерите-гиганти со кои никогаш не соработувал е Стивен Спилберг. Како што се покажа, причината за тоа била неочекувано лична и прилично бизарна, што ги остави фановите во неверување.
Неуспешна соработка
Приказната во подкастот „One Bad Movie“ ја открил сценаристот и режисер Мајк Бајндер. Во 2005 година тој сакал да го ангажира Афлек за својот филм „Man About Town“, и двајцата биле искрено возбудени поради можното соработување.
Но, кога Бајндер го претставил планот пред Спилберг, чија продукциска куќа „DreamWorks“ стоела зад проектот, го дочекала неочекувана блокада.
“Инцидент“ кој променил сè
Спилберг, тврди Бајндер, имал многу јасна и лична причина зошто не го сакал Афлек во филмот – и тоа немало никаква врска со неговиот актерски талент. Бајндер ги Спилберговите зборови:
„Еднаш беше со мојата кумашинка Гвинит Палтроу и сите заедно отидовме на патување во Шпанија. Мојот син тогаш беше мало момче, си играше во базен и излезе од водата. Бен дојде целосно облечен, а мојот син го турна Бен во базен. Бен навистина сe налути, излезе од базенот, го крена и го фрли назад во водата. Мојот син почна да плаче.“
Спилберг, наводно, едноставно заклучил: „Просто не сакам да работам со него.“
Афлек веднаш сфатил за што станува збор
Објаснувањето на Бајндер го шокирало водителот на подкастот, а ни публиката на интернет не останала рамнодушна. „Чекај… сега го мразам ли сега Спилберг? Зошто побогу, ова?“, напишал еден од гледачите. Интересно е што Афлек, кога му било пренесено дека Спилберг не го сака во филмот, веднаш ја погодил причината.
„Дали Стивен Спилберг ти кажа дека му го фрлив детето во базен? Дали тоа е причината?“, прашал тој, тврди Бајндер.
Помирување пред камерите
Иако Бајндер на крајот се откажал од соработката со „DreamWorks“ поради овој „инцидент“, се чини дека Афлек и Спилберг подоцна ги смириле односите. Неколку години подоцна, на доделувањето на Оскарите во 2013 година, парот се прегрнал срдечно откако филмот на Афлек, „Argo“, ја освоил наградата за најдобар филм, победувајќи го „Lincoln“ на Спилберг.
Гледајќи го тоа, Бајндер не можел да се воздржи од шега. „Му испратив порака… Бен, вечерва можеш да ја фрлиш целата Спилбергова фамилија во базен и никој нема да ти замери“, се потсетил тој.
