Јаник Синер дојде до уште еден голем резултат во кариерата, титула на завршниот Мастерс турнир во Торино каде забележа пет победи и притоа не загуби ниту еден сет во дуелите со тенисерите кои покажаа најмногу во 2025 година.
Ова беше само уште една потврда дека Италијанецот доминира, односно зашто е на самиот врв со Карлос Алкарас, ас со кого решеваат нијанси во меѓусебните битки.
Двајцата едноставно немаат конкуренција во овој момент, а некогашниот прв светски рекет Енди Родик е воодушен како Јаник говори за своите слабости во ситуација кога буквално гази се пред себе, односно грешките можат да се избројат на прсти.
-Не знам дали некогаш сме имале двајца играчи кои се толку искрени за своите недостатоци, додека остатокот од светот не гледа ништо од тоа. По Ју-Ес Опен, Синер дојде на прес-конференција, само неколку месеци откако го освои Вимблдон и без да изгуби (на грен слем) од никого освен од Карлос.
-Тој влезе и рече: „Морам многу да се променам“. Тоа е неверојатна самосвест, дефинитивно поголема од кога било досега. Да се биде еден од двајцата најдобри играчи во светот и да се има јасност за тоа што е следно – тоа не е нормално, -смета Родик.
