Лос Анџелес Лејкерс славеше како гостин на дуелот со Милвоки одигран рано утринава, а гостинските играчи по крајот на дуелот решија да му ја подарат топката од натпреварот на својот соиграч, дебитантот Аду Тиро.
Тиро ги постигна првите поени во НБА и неговите поискусни соиграчи се обидоа да му обезбедат важен сувенир, но наидоа на неочекуван отпор од главниот судија на средбата.
Истиот им ја зема топката на гостинските играчи со објаснување дека таа не е негова и тој не може да ја подари никому, драмата и убедувањето траеја, а она што не можеа Вандербилт, Ривс, Дончиќ и останатите, му успеа на Јанис Адетокумбо.
Giannis is a REAL ONE 💯
— Lakers All Day Everyday (@LADEig) November 16, 2025
The Lakers wanted the game ball for Adou Thiero, who scored his first NBA points, but the refs were not allowing it.
Giannis stepped in and secured it for the young fella ❤️ pic.twitter.com/2ABmAjwEc3
Најголемата ѕвезда на Милвоки сфати за што се расправаат ривалите и судијата, па лично тој ја презема топката од еден од клупските вработени и им ја предаде на кошаркарите на Лејкерс, потег за кој грчкиот репрезентативец доби многу комплименти.
– Тоа што го направи Јанис е вистинска класа, – изјавил Ривс по натпреварот.
