Милијардерот Илон Маск повторно обележа уште еден „нормален“ викенд на својата платформа X.
На својот профил, Маск објави видео генерирано со помош на "Grok Imagine" — новиот алат за создавање фотографии и видеа од неговата компанија "xAI".
Како што самиот објасни, видеото било создадено според неговата насока:
„Таа се насмевнува и вели: ’Секогаш ќе те сакам‘.“
И навистина, видеото прикажува анимирана жена под дожд, која ги изговара тие зборови со очигледно синтетички глас.
Grok Imagine prompt:
— Elon Musk (@elonmusk) November 8, 2025
She smiles and says “I will always love you” pic.twitter.com/cjDu3MuDCZ
Неколку минути подоцна, Маск објави уште едно видео, исто така генерирано преку "Grok", во кое актерката Сидни Свини изговара фраза со глас што воопшто не наликува на нејзиниот вистински: „Толку си морничава“.
Иако во последно време сè почесто се среќаваат луѓе кои чудно се однесуваат кон жени создадени со вештачка интелигенција — па дури и воспоставуваат „романтични врски“ со четботови — многумина на X реагираа бурно на објавата на Маск.
Еден корисник го нарече видеото „најтажната објава во историјата на оваа страница.“
Критики и „награда“ за најостар коментар
Интересно е што оваа реакција не беше најострата критика што Маск ја доби викендов.
Таа „титула“ ѝ припадна на 87-годишната наградувана авторка Џојс Керол Оутс.
Одговарајќи на низа објави во кои една корисничка со одобрување го цитирала Маск — кој пак му возвраќал на сенатор од Тексас што го критикувал неговиот пакет компензација — Оутс напиша дека ѝ е „толку чудно“ што Маск „никогаш не објавува ништо што покажува дека ужива или е свесен за нешто што луѓето го сметаат за убаво.“
„Без разлика дали станува збор за пријатели, роднини, природа, миленичиња, филмови, музика или книги,“ додаде таа, „Маск делува целосно незаинтересирано за сè што има човечка топлина.“
So curious that such a wealthy man never posts anything that indicates that he enjoys or is even aware of what virtually everyone appreciates— scenes from nature, pet dog or cat, praise for a movie, music, a book (but doubt that he reads); pride in a friend’s or relative’s… https://t.co/xMxQGSVqEt
— Joyce Carol Oates (@JoyceCarolOates) November 8, 2025
Потоа остро заклучи:
„Всушност, тој изгледа целосно необразован, некултурен.
Најсиромашните луѓе на "Twitter" можеби имаат поголем пристап до убавина и смисла во животот отколку ’најбогатиот човек на светот‘.“
На тоа, Маск ладно одговори со својствен сарказам:
„Оутс е лажга и ужива во тоа што е злобна. Таа не е добра личност.“
Додека "xAI" и неговиот нов алат "Grok Imagine" го привлекуваат вниманието на технолошкиот свет, многумина се прашуваат дали Маск навистина преку технологијата бара љубов или само ја симулира.
