Кинескиот производител на автомобили „Xpeng“ на својот настан „AI Day 2025“ ја претстави новата генерација на хуманоиден робот наречен „Iron“. Неговиот изглед беше толку реалистичен што дел од публиката беше убедена дека во прототипот всушност се крие вистинска личност. Она што почна како обична расправа, за кратко време се претвори во вирална тема на социјалните мрежи.
Објавија видео-доказ дека внатре нема човек
Женскиот хуманоиден робот „Iron“ од „Xpeng“ ја воодушеви публиката со појавувањето на пистата за време на технолошкиот настан во средата. Сепак, повеќе од половина од коментарите на интернет се сомневаа дека во роботот се крие човек, објави претседателот и извршен директорот на компанијата Хе Сјаопенг на социјалната мрежа „Weibo“.
„Нашиот роботски тим е истовремено и воодушевен и забавуван од реакциите. Некои луѓе едноставно не можат да поверуваат колку брзо се менува светот“, напиша тој.
За да ги расчисти сомнежите, Хе Сјаопенг објави видео кое покажува дека новата генерација на „Iron“ навистина е робот, а не човек во костим.
XPENG's next-gen IRON robot effectively crossed the uncanny valley, leading many to believe it was a human in a suit.
— The Humanoid Hub (@TheHumanoidHub) November 6, 2025
In a follow-up event to prove it was a robot, He Xiaopeng had its leg skin cut open in front of a live audience. The robot then walked off the stage. pic.twitter.com/CNF5loZyaf
Реакции и демант на социјалните мрежи
Во видеото е вклучен и еден од најкоментираните постови на социјалните мрежи:
„Роботот на Tesla не може да оди толку лесно – тоа е невозможно!“
Хе Сјаопенг објасни дека додека стои до роботот, јасно се слуша звукот на внатрешниот вентилатор за ладење, и прикажа детали од рацете на „Iron“ и серија микрофони сместени околу ушите.
Корисниците на интернет сепак продолжија со сомнежи:
„Внатре сигурно има човек!“ и „Ова е некаква шега!“
За да го докажат спротивното, асистентите му ја тргнаа облеката од ногата на роботот, откривајќи механички системи и серво-мотори. Потоа роботот повторно прошета неколку чекори – реалистично, со флуидни движења, оставајќи публиката без зборови.
„Iron“ може да разговара, да оди и да комуницира
Новиот модел на „Iron“ е слична големина како и првата генерација, претставена на „AI Day 2024“ во ноември, но со значителни подобрувања.
Роботот е опремен со хуманоидна ’рбетна структура, бионични мускули, флексибилна кожа и 3D закривен екран на главата.
Него го придвижува втората генерација на „Xpeng VLA“ (Vision-Language-Action) модел, а користи три внатрешно развиени „Turing AI“ чипови со вкупна компјутерска моќ од 2250 TOPS.
Благодарение на напредната AI технологија, „Iron“ може да разговара, да се движи природно и да комуницира со околината.
Од „Xpeng“ изјавија дека целта е масовно производство на напредни хуманоидни роботи до крајот на 2026 година, со што компанијата би влегла во нова ера на човечко-роботска интеракција.
