Силните ветрови и обилните врнежи предизвикале прекини на струјата во многу делови на островот, вклучувајќи ги популарните туристички дестинации како Негрил и Трежер Бич.

Тиктокерка го разгневи интернетот

Извесна Британка, која престојува во „all-inclusive“ хотелот „RIU“ во Очо Риос, на ТикТок објавила видео од пакетите што ги добиле гостите во своите соби за време на забраната за излегување. Таа покажала торба со инстант тестенини, сокови, овошје и колачи – оброк што таа и нејзиниот партнер го добиле додека не смееле да ја напуштат собата.

Но, веднаш по објавата, таа предизвикала бес кај корисниците на социјалните мрежи бидејќи изгледало дека се жалела на „скромната“ понуда. „Кога „all inclusive“ хотел ти дава ваков пакет“, напишала покрај видеото, а коментарите веднаш почнале да се редат.

„Фактот дека луѓето очекуваат луксуз среде катастрофа ми е смешен“, „Имавте предупредување, можевте да тргнете порано“, „Нели ти е срам? Луѓето ги губат домовите, а ти се жалиш на тестенини“, „Што очекуваше, јастог?“, „Ако не ти се допаѓа, дај го на некого кому му треба.“

Иако многумина ја прозвале неблагодарна, некои ја бранеле со напомена дека хотелите можеле подобро да ја организираат снабденоста на гостите. Подоцна, во живо на ТикТок таа рекла дека хотелското бифе било отворено ден порано, па гостите можеле да земат дополнителна храна и да ги распоредат своите залихи за времето додека траела забраната за движење.

Ураганот го погоди Јамајка, а потоа Куба

Мелиса е еден од најсилните урагани што ја погодиле Атлантикот годинава. По краткото слабеење откако ја погодила Јамајка, сè уште не се познати размерите на штетата. Премиерот Ендру Холнес прогласил островот за област на катастрофа и предупредил на разорните последици. „Имаме извештаи за оштетени болници и голема штета на станбени и деловни објекти“, рекол Холнес.

Додека преминувала преку островот, Мелиса изгубила дел од силата бидејќи се оддалечила од топлото море кое ја „хранело“, но штом ја напушти северната обала на Јамајка, повторно се засилила до четврта категорија и развила јасно изразено око на бурата.

Потоа, вторпат го погодила копното, овојпат југоисточна Куба, како ураган од трета категорија со ветрови кои дуеле до 205 километри на час.

Ситуацијата може да се следи тука.