[ВИДЕО] Гордост за Каталонците: Барселона долови како изгледа реновираниот „Камп Ноу“

Каталонскиот великан најави дека натпрварот против Олимпијакос во Лигата на шампионите кој е закажан за 21-ви октомври ќе се игра на „Камп Ноу“, а како добра увертира за оваа позитивна вест, клубот сега објави и промотивно видео.

Застареното издание на „Камп Ноу“ бараше итна санација и реновирање на речиси цела структура на стадионот, а Барселона сега со видео материјал долови како ќе изгледа новиот изглед на стадионот.

Во период кога клубот напорно работи за да ги добие потребните административни дозволи за отворање на „Камп Ноу“, убаво е да се види како изгледа внатрешноста на стадионот, а видеото предизвика и чувство на гордост кај голем број фанови на кои им здодеа да одат на „Монжуик“ и „Јохан Кројф“.

Барселона повеќе од две години го реновира својот стадион, но како што стојат работите, се ближи денот кога навивачите конечно ќе можат да уживаат во подновениот дом.