Долж источниот брег на Флорида, познат како Крајбрежјето на богатството (Treasure Coast), нуркачи открија вистинско богатство во стари бродски остатоци – вредно неколку милиони долари. Од остатоците на шпанската флота што потонала во 1715 година, извадени се повеќе од 1.000 златни и сребрени монети.
Откритието го воодушевило нуркачкиот тим на Флорида, кој го пронашол богатството на морското дно. Монетите – од кои некои и понатаму го носат оригиналниот датум и ознаките – ги извадила компанијата за спасување „1715 Fleet – Queens Jewels LLC“.
Hidden beneath the turquoise waters off a stretch of Florida known as the “Treasure Coast,” a team of divers from a shipwreck salvage company has uncovered exactly that — a load of long-lost Spanish treasure estimated to be worth $1 million. https://t.co/8B7N9y92Xr pic.twitter.com/ACXRwM0qkb
— ABC News (@ABC) October 3, 2025
Богатство вредно 400 милиони долари сè уште лежи под брановите
Историчарите проценуваат дека злато, сребро и скапоцени камења вредни до 400 милиони долари се изгубени кога ураганот во јули 1715 година ја погодил шпанската флота, која тогаш превезувала огромно количество богатства од Новиот свет кон Шпанија.
Од тој момент, бројни ловци на богатство се обидуваат да го пронајдат тоа митско „подводно злато“.
Salvage crew uncovers $1M treasure from a 1715 Spanish shipwreck lost in a hurricane, coins untouched for 310 years.
— Massimo (@Rainmaker1973) October 2, 2025
The coins were discovered by Capt. Levin Shavers and his crew off Florida’s Treasure Coast. pic.twitter.com/IhzdVwg0rs
Иако откритието било направено уште во текот на летото, јавноста за тоа дозна дури неодамна. По процесот на реставрација и конзервација, колекцијата ќе биде изложена во музеј на Флорида, каде што посетителите ќе можат да го видат дел од богатството кое повеќе од три века почивало на дното на Атлантикот.
Денес
