„Есента е совршен период за уживање во супи од повеќе причини. Како што температурите паѓаат, многумина од нас копнеат по топли оброци. Супите исто така се одличен начин да внесеме многу зеленчук и состојки кои го поддржуваат имунитетот, што е клучно во сезоната на настинки и грип. На крајот, супите помагаат и во хидратацијата, што може да биде важно бидејќи внесот на вода често се намалува во текот на постудените месеци“, вели диететичарката Ејми Дејвис, основачка на „The Balanced Dietitian“.

Како супата влијае врз здравјето на цревата?

Дури и несвесно, додека јадеме супа, внесуваме голема количина витамини, минерали и хранливи состојки.

„Супа богата со зеленчук може да го поддржи здравјето на цревата благодарение на високата содржина на влакна. Исто така, може да биде добар извор на пробиотици од намирници како кромид, лук или млад кромид. Поради високата содржина на течности, супите помагаат во хидратацијата и ја олеснуваат дигестијата“, објаснува Дејвис.

Предност е и тоа што супите, иако лесни за стомакот, обезбедуваат доволно хранливи материи за да остават чувство на ситост, што многу други намирници не можат да го понудат. Доколку се соочуваме со дигестивни проблеми или недостаток на хранливи материи, почеста консумација на супа може да биде вистинско решение.

„Одлични опции кои позитивно делуваат на цревата се супа од зеленчук, пилешка супа, супа со целер, лук и морков“, вели диететичарката.