Слатко-киселата нота на овошјето совршено се испреплетува со ароматичен тимијан и му дава на јадењето неочекувана свежина.

Ова е рецепт за оние кои сакаат да излезат од рамките на вообичаените вкусови и да пробаат нешто поинакво. Се подготвува брзо, а на масата изгледа како вистинско гурманско ремек-дело.

Состојки:

600 г пилешко филе

200 г вишни

100 г путер

3 лажици маслиново масло

1 лажица мед

1 лажица свеж тимијан

2 лажички сол

1 лажичка бел пипер

1 лажичка вегета

300 г палента

Подготовка:

Маринирајте го пилешкото филе со сол, бибер, вегета и масло. Пропржете го месото во тава со масло и путер, а потоа извадете го од тавата, па додадете вишни и мед. Гответе неколку минути. Додадете свеж тимијан и вратете го пилешкото да се пржи неколку минути додека се намали течноста во тавата.

Сварете ја палентата во солена вода. Додадете путер и и послужете како прилог на приготвеното пилешко месо.