Повремениот англиски репрезентативец Џек Грилиш ќе ја промени средината во овој преоден рок откако стана јасно дека не е во плановите на менаџерот Пеп Гвардиола.
Офанзивецот не се најде на списокот на Гвардиола за настап на Светското клупско првенство, а и претходно беше во втор, трет план или едноставно доби јасни пораки дека не е повеќе потребен на „Итихад“.
Според последните информации кои ги објави Фабрицио Романо, Џек набрзо ќе има нов клуб и тоа Евертон. „Карамелите“ предводени од Дејвид Мојс покажаа сериозен интерес и ќе го добијат на позајмица.
Се очекува Џек да ги мине медицинските прегледи и да ја комплетира операцијата во наредните 24 часа.
Евертон ќе биде четврти клуб на Грилиш во кариерата по Астон Вила, Нотс Каунти и Манчестер Сити.
