Шпанскиот вицешампион Реал Мадрид донесе неколку нови засилувања во летниот преоден рок, фудбалери кои треба да донесат дополнителен квалитет, нова енергија и секако глад за успеси и трофеи.
Еден од тие нови имиња е талентираниот Франко Мастантуоно, новата голема надеж на аргентинскиот фудбал. Мастантуоно пристигна од редовите на Ривер Плата, а не требаше многу за да дел од јавноста, навивачите почнат да прават споредби меѓу него и Ламин Јамал од Барселона.
Габриел Орландо Родригез кој добро го познава Мастантуоно ги отфрла ваквите споредби затоа што смета дека Аргентинецот е сосема поинаков играч.
-Тие се на иста возраст, но гледам стил многу посличен на Хамес Родригез или Марсело Гаљардо, иако сегашниот тренер на Ривер играше со десната нога. Тој не е толку експлозивен како Ламин Јамал. Тој е фудбалер кој размислува, го набљудува теренот, своите соиграчи и ги анализира опциите што му ги нуди играта. Тој е многу интелигентен и има способност да го подобри тимот. Тој е идеално место за да го искористи неговиот дриблинг, неговото додавање, неговата визија за играта и неговата прекрасна лева нога, -вели Родригез кој е директорот за младински тим на Ривер Плата.
