Барселона ја дочекува новата сезона со слични амбиции на претходната, но ретко кој можеше да очекува дека тренерот Ханси Флик ќе остане без еден од најстандардните и најважните играчи во тимот.
Каталонските медиуми информираат дека Ињиго Мартинез веќе го информирал клубот дека заминува во Ал Наср и ќе биде големо засилување за составот чија прва ѕвезда е Кристијано Роналдо и е дел од шампионатот на Саудиска Арабија.
Самиот Мартинез си обезбедил ваква опција при последното продолжување на договорот, кога исто така имал атрактивна понуда, но решил да остане во Барселона.
Сепак, дефанзивецот во договорот вметнал клаузула според која ако во летниот преоден рок добие слична понуда која сака да ја прифати, Барса нема да му прави проблеми да се збогува со досегашните соиграчи.
Заминувањето на Мартинез е дефанзивен проблем за решавање за Флик, а позитивната страна за Барселона е што и се ослободуваат 14 милиони евра, кои ќе може да ги искористи за подобрување на финансиската состојба и регистрација на другите играчи.
