Според она што истражувачите го нарекуваат „преференција на централност“, повеќето луѓе обично ја избираат средната опција кога ќе им се понудат неколку избори – без разлика дали станува збор за шпил карти, избор на сендвичи за ручек или кабини во тоалетот.

Но, кога избирате кабина во јавен тоалет, веројатно ќе влезете во онаа што изгледа доволно чиста и ќе се надевате на најдоброто, нели? А што ако постои начин да се избегнат претпоставките во овој неблагодарен избор?

Постои теорија дека кога ќе се најдете во јавен тоалет, треба да ги избегнувате средните кабини секогаш кога можете и наместо тоа да ја изберете првата кабина. Се смета за најмалку користена, што значи дека е веројатно најчиста – и единствената што навистина треба да ја користите.

„Точно е дека ако ги погледнете истражувањата, луѓето (свесно или несвесно) имаат тенденција да избираат кабини што се во задниот дел од тоалетот и да ги избегнуваат оние на самиот почеток“, вели Филип Тиерно, клинички професор по патологија на „NYU Langone Health“ во Њујорк, пишува „The Healthy“.

Истражување на употребата на кабини

Едно истражување објавено во списанието „Psychological Science“ се занимавало со оваа тема – и можеби ја започна опсесијата со тоа која кабина да се избере во јавен тоалет.

Психологот Николас Кристенфелд следел колку често се менува тоалетната хартија во секоја од четири кабини во текот на десет недели.

Резултатите покажале: 60% од употребените ролни доаѓале од средните кабини, додека само 40% доаѓале од оние на краевите. Ова укажува дека преовладува „преференцијата на централност“ – многу повеќе луѓе ги користат средните кабини отколку што би се очекувало ако ги избираат случајно.

Анкетата спроведена од „Њујорк магазин“ отиде чекор понатаму анализирајќи ги разликите во навиките на мажите и жените. И мажите и жените имаат тенденција да ја изберат средната кабина, но бидејќи кабините и писоарите ретко изгледаат навистина исто, мажите имаат тенденција да ја изберат онаа што е најблиску до вратата, додека жените се одлучуваат за онаа што е најоддалечена.

Сепак, фактот дека помалку луѓе ја користат кабината на крајот автоматски не значи дека е почиста. Некои вируси се толку заразни што им се потребни многу малку клетки за да предизвикаат болест.

На пример, норовирусот (познат по тоа што предизвикува заболувања на крузерите) може да ве разболи само со контакт со една клетка. Меѓутоа не треба да паничите, туку да обрнете внимание:

„Само затоа што кабината изгледа чиста, не значи дека е навистина чиста“, вели Тиерно.

Истото важи и за првата кабина – ниту тоа не е гаранција.

„Работите не се толку едноставни и црно-бели како што изгледаат“, додаде тој.

Затоа е важно да се следат правилата за хигиена во јавните тоалети.

Д-р Тиерно го прави следново:

Носи сопствени влажни марамчиња.

Секогаш ги мие рацете по користењето на тоалетот (ова е задолжително – дури иако не сте пуштиле вода, сте ги контаминирале рацете со допирање на рачката и бравата).

Ги суши рацете со салфетка и ја користи за да ја затвори чешмата.

Истата салфетка ја користете за да ја отвори корпата за отпадоци и да ја фрли.

Ова е најдобриот начин да се заштитите од бактерии.