„Може ли некој да ми објасни зошто компирите во Европа се продаваат вака валкани?“, ги прашала своите следбеници, додавајќи: „Како воопшто е тоа дозволено? Може ли вака да се добие салмонела или други болести?“ На крајот заклучила: „Ова е лудост.“

22.000 коментари под видеото

Во описот на видеото, кое е прегледано речиси седум милиони пати, таа напишала: „Навистина ми е тешко да се хранам поздраво во Европа поради сите здравствени опасности.“

Секако, не требало долго за да предизвика бурни коментари и реакции од Европејците. Под нејзиното видео се собрале речиси 22.000 коментари.

„Какви се тогаш американските компири?“, „Дали американските компири растат на дрво?“, „Може ли некој да ми каже колкав е коефициентот на интелигенција на типичен жител на САД?“, „САЛМОНЕЛА?! Не можам да верувам дека го изјави ова“, „Се надевам дека ова е само измислено за да нè налути“, „Во Америка не го миете зеленчукот? Имате ли вода?“, „Не морам ни да проверувам од каде е“, „Американскиот образовен систем е апсолутна срамота и глупост“, беа само некои од коментарите под објавата.

Како расте и се продава компирот во Америка?

Иако компирот во Америка расте исто како и насекаде, од земја, разликата се забележува по бербата. Во САД, компирите најчесто се одгледуваат на големи индустриски фарми, каде што по вадењето од земјата се мијат, сортираат и често се премачкуваат со заштитен слој за да траат подолго и да изгледаат поуредно. Поради тоа, во американските продавници речиси исклучиво се продаваат чисти, измиени компири, подготвени за готвење без дополнително чистење.

Во САД се посветува повеќе внимание на изгледот и „хигиената“ на производите, па таков „валкан“ компир кај некои предизвикува шок – како што покажа и реакцијата на Лили.