Тоа дека убавите жени одат рака под рака со жестоки момци не е некоја новост. Така е насекаде во светот, па и во нашата земја, но и во соседството.

Повеќе од интересна приказна ни доаѓа од соседна Бугарија. Една од најпопуларните пејачки во таа земја, Христина Миленова Пенчева (26), попозната како Тита, била во емотивна врска со поранешниот ММА борец од соседството, Недко Николов (32).

Изградиле популарност

Додека биле заедно, привлекувале големо внимание од бугарските медиуми, а се чини дека врската им помогнала на двајцата. Тита добила на популарност, како и Николов, кој го напуштил ММА, бидејќи немал натпревар од 2019 година, со скор од две победи и еден пораз. Тие биле заедно цели три години.

Овој пар раскинал во март оваа година. Како што пишуваат бугарските медиуми, Тита повеќе не можела да ја трпи љубомората на своето момче, кое почнало да ја задушува со коментари, но и со своето присуство на нејзините концерти и гостувања. Токму таа љубомора била главната причина Тита да му каже збогум на Недко. Од истите причини таа го оставила и поранешното момче, Виториј Ризов.

Набрзо потоа, двајцата почнале сè помалку да се гледаат, а Тита на крајот конечно раскинала со мускулестиот Бугарин. Прва ги избришала заедничките фотографии од своите профили на социјалните мрежи, а потоа истото го сторил и Николов.

Згодната Бугарка во оваа одлука прво била поддржана од своите фанови, од кои има над 515.000, а потоа и од родителите, кои биле загрижени за својата ќерка поради претераните изливи на бес и склоноста кон агресија што ги покажувал Недко Николов.

Длабоко деколте и совршена фигура

Тита брзо го преболела своето насилно и грубо момче. Продолжила со успешната кариера, а вниманието на фановите го привлекува секој ден на социјалните мрежи, објавувајќи атрактивни и секси фотографии.

Тита ужива да позира во елегантни фустани со длабоко деколте што ја истакнуваат нејзината совршена фигура, како и во оскудни бикини во кои нејзините големи гради доаѓаат до израз. За само неколку часа, оваа привлечна и убава Бугарка собира илјадници лајкови и стотици коментари.

Манекенка и актерка

Пред да стапи на музичката сцена, Тита се занимавала со манекенство, но и со глума. Се прославила во 2014 година со настап во бугарскиот „X Factor“, иако тогаш имала само 15 години.

Иако млада, Тита наскоро ќе прослави значаен јубилеј – десет години на естрадната сцена во Бугарија. Нејзините песни се во поп и фолк стил и таа е многу популарна во соседната земја. Покрај музиката, се занимава и со бизнис.

Сака да се омажи

Таа навести дека наскоро би можела да биде подготвена за важен чекор во животот.

„На овие години, како што се моите, други работи стануваат приоритет – семејство, некој со кого ќе одгледувам деца … За жал, немам маж покрај себе. Не сум вљубена. Слободна сум. Сигурна сум дека мојот маж некаде ме чека“, изјави пејачката.