Samsung Electronics Co., Ltd. повторно се враќа на IFA (Innovation for all),, најголемиот европски саем за потрошувачка електроника, што ќе се одржи од 5 до 9 септември во Берлин. За своето 101-во издание, Samsung повторно ќе го преземе просторот City Cube, каде ќе ги претстави своите најнови иновации пред глобалната публика.
Оваа година, Samsung ги поканува посетителите да ја истражат визијата за тоа како вештачката интелигенција (AI) го обликува домот – денес и во иднина. Присутните ќе имаат можност одблиску да видат како мобилните уреди, телевизорите, лаптопите и домашните апарати на Samsung ја користат моќта на AI за да го подобрат секојдневието.
На 4 септември, еден ден пред официјалното отворање на изложбениот простор, Samsung ќе ја одржи својата годишна прес-конференција, на која ќе ја претстави новата линија на иновативни производи и паметни услуги. Како лидер во решенијата за паметни домови, Samsung ќе го нагласи потенцијалот на AI во домот, прикажувајќи како нивните уреди со вештачка интелигенција и SmartThings екосистемот функционираат во хармонија за да го олеснат секојдневниот живот.
Претставници од Samsung и партнерските компании ќе ги споделат своите увидувања за најновите производи и за тоа како технологијата може да донесе ефикасност, удобност и забава во секој дом. По конференцијата, гостите ќе можат да ја доживеат понудата на Samsung во интерактивен, импресивен простор, кој ќе биде отворен за пошироката јавност од следниот ден.
Повеќе детали ќе бидат објавени наскоро.
Комерцијален текст
