Евакуации во тек: Антискари пред оган, властите издале итни предупредувања

Оганот опасно се приближил до населбата Антискари, во областа Месара, општина Фестос.

Локалната власт издала налог за евакуација на населението во правец на местото Лентас, објавил грчкиот весник „Катимерини“.

Огромни сили на терен – борбата против оганот не престанува

За гасењето на пожарот ангажирани се 48 пожарникари со 17 возила, како и пешадиски тим.

Поддршка од воздух пружаат два хеликоптери, додека цистерните за вода доаѓаат од околните општини.

Локалните медиуми известуваат дека повеќе домаќинства, населби и пластеници се во непосредна опасност од ширење на пожари.

Хиос гори по вторпат: Нов пожар на планината Провата

На островот Хиос, кој веќе беше тешко погоден од претходните пожари, утринава се активираше ново жариште на планината Провата, северно од селото Лете.

Противпожарните единици се борат со помош на воздушните сили со цел да го локализираат пожарот.

Хиос останува во вонредна состојба откако претходната недела изгореа повеќе од 47.700 хектари, наведено е во извештајот на службата Коперникус на Европската Унија.

Командантот на противпожарната служба на островот, Ставрос Капеларидис, беше примен во болница со симптоми на дехидратација и исцрпеност, соопштија локалните власти.

Грција во трка со времето – летото носи катастрофи

Летните температури и ветрови се погодни за брзината на ширењето на пожари, додека властите и спасувачките екипи се борат да спречат нови трагедии.

Над небото на Крит се одвива вистинска борба – хеликоптерите во ниските предели се обидуваат да го смират огнот пред да се доближи до погусто н