Поранешен шпански судија критикува: Реал беше оштетен со досудениот пенал

Главниот судија имаше многу работа на овој натпревар, а досуди два пенала, од кои едниот беше реализиран и тоа од Рубен Невеш, кој фактички го обезбеди бодот за претставникот на Саудиска Арабија.

Поранешниот шпански судија Итуралде Гонзалес ги коментирал судиските одлуки за „Кадена СЕР“ и потенцирал дека судијата погрешил што му доделил пенал на Ал Хилал.

– Според мене, она што го направи Асенсио не е доволно за пенал. Факт е дека нема потреба од таков потег во шеснаесетникот, но една работа е јасна. Тој го задржа за момент, но не му го спречи или попречи движењето и тоа е клучно зошто не требаше да биде пенал.

– Во втората ситуација има јасно движење на левата рака кон лицето на противникот и силен удар. Тоа беше чист пенал, – заклучил Итуралде.