Кинеската компанија „Zinwa Technologies“ планира да ги оживее постарите модели на „BlackBerry“ телефоните, вклучувајќи го и „Passport“, со ажурирани внатрешни компоненти и подобрени спецификации. Овие телефони ќе работат на Андроид.
Првиот модел што ќе се врати на пазарот ќе биде „BlackBerry Q20“ (исто така познат како BlackBerry Classic) со цена од 400 долари. Исто така, ќе биде понуден комплет за конверзија за оние кои веќе го поседуваат телефонот, со цена од 300 долари.
Телефонот ќе се продава како „Zinwa Q25“ и ќе го задржи оригиналниот екран од 720 × 720, надворешното куќиште, физичката тастатура и LED светлото за нотификации.
Целта е да се задржи стариот изглед и чувство на „BlackBerry“, но со модернизирани внатрешни компоненти. На пример, процесорот „Qualcomm Snapdragon S4 MSM8960“ ќе биде заменет со „MediaTek Helio99 AP“. Наместо 2GB LPDDR2 RAM, уредот ќе има 12GB LPDDR4X RAM, а внатрешната меморија од 32GB ќе биде проширена на 256GB UFS 2.x меморија.
Телефонот ќе има задна камера од 50MP и предна камера од 8MP. Ќе бидат поддржани сите глобални 4G LTE мрежи.
Можно е и други модели, како што се „Passport“ и „KEYone“, да добијат слични надградби.
„Zinwa Q25“ ќе пристигне со Андроид 13 и нема да има планирани надградби на поновите верзии на системот. Сепак, ќе има редовни безбедносни ажурирања за да се поправат грешките. Други карактеристики на телефонот вклучуваат 3,5-милиметарски приклучок за слушалки, NFC, USB-C порт, слот за microSD картичка и еден слот за СИМ картичка.
„Zinwa Q25“ ќе биде достапен од август, а возбудливата вест е дека компанијата планира слични надградби за моделите „BlackBerry KEYone“ и „Passport“.
