Џејк Пол и Ентони Џошуа постепено поставуваат темели за комерцијален боксерски меч во 2026 година.
Јутјуберот кој се претвори во боксер, Џејк Пол, оваа година изненадувачки го предизвика поранешниот двоен светски шампион во тешка категорија, Ентони Џошуа. Двајцата започнаа со „флерт“ уште во април, а сега е откриено дека овој необичен меч навистина би можел да се случи следната година.
Пол сега обелодени дека „trash talk“-от продолжил и зад кулисите – преку приватни пораки. Американецот дури отишол толку далеку што се потсмевал на Џошуа за поразот со нокаут од Даниел Дубоа.
„Сè беше културно, бевме коректни. Денес ми прати „LOL“ на едно мое видео од тренинг, па му вратив „LOL“ со фотографија каде што Дубоа го нокаутира“, рече Пол.
„Така си зборуваме малку за соништата зад сцената. Но навистина го почитувам Ентони“, додаде тој.
Jake Paul leaks Anthony Joshua private messages after firing brutal dighttps://t.co/h6Qk89fbSb
— talkSPORT (@talkSPORT) June 12, 2025
„Мислам дека ваквите шеги се забавни, тој е одличен лик, а нашата борба би била спектакуларна. И искрено верувам дека можам да победам.
Прво, Пол ќе се фокусира на претстојниот меч против поранешниот светски шампион Хулио Сезар Чавез Јуниор, закажан за 28 јуни. Доколку го победи Мексиканецот, најпрво би можело да се договори егзибициски меч против Гервонта Дејвис до крајот на годината.
А потоа, Џошуа би бил реална опција за 2026 година, според Пол. Џошуа не настапил од поразот од Дубоа и неодамна имал операција на лактот. Поранешниот олимписки шампион планира да се врати пред крајот на 2025 година, со цел повторно да се вклучи во трката за светските титули.
Еди Херн изјави за "talkSPORT":
„Џејк можеби е доволно луд навистина да го направи тоа. Бидејќи сè што гледа Џејк е пари. А парите што би ги добил за борба со Џошуа би биле апсурдни.
“Но, тој не размислува за медицинските последици што би ги имала таква борба. Можеби никогаш повеќе нема да му ја најдат главата по тој меч“, додава тој.
„Но, тој рече 2026. Тоа е како да кажеш дека ќе освоиш злато во сурфање на Олимписките игри 2028. Знаеш на што мислам? Зошто не сега? Ова дефинитивно не е борба за која размислуваше Џошуа. Но во овој луд свет во кој живееме … Никогаш не вели никогаш!
Џошуа претходно го прифати предизвикот од Пол и изјави дека е отворен за ваков комерцијален спектакл. Сепак, неговиот промотор и менаџер, Еди Херн, не е убеден колку навистина е сериозен Пол со оглед на тоа што борбата ја планира толку далеку во иднината.
