Новинарката која се јавувала од терен останала прибрана и покрај необичното попречување, а снимката од настанот набрзо стана вирална.

Шокантен потег за време на јавување во живо

Новинарката на телевизијата „FOX19 NOW“, Алексис Мартин, известувала за посетата на претседателот Трамп на Охајо, стоејќи покрај прометен пат. Додека зборувала, во кадар зад неа влегол маж облечен во сини кратки панталони и црвена маица. Со цигара во устата и необичен израз на лицето, ѝ пришол на новинарката одзади.

Во моментот кога Мартин ја изговарала реченицата: „Гледаме дека многу луѓе тука се разотидуваат“, обидувајќи се да остане концентрирана, мажот го извел својот потег. Како магионичар што покажува трик, ја завртел цигарата и целата ја ставил во уста, и тоа со запалениот врв свртен навнатре. Потоа почна да ја џвака запалената цигара, притоа мафтајќи кон камерата. Во тој момент режијата го прекинала преносот од терен и пуштила други снимки.

Пофалби за професионалноста на новинарката

Видеото од инцидентот брзо се прошири на интернет, а многу корисници ја пофалија новинарката Алексис Мартин затоа што успеала да остане професионална и да продолжи со работата и покрај шокантната сцена што се одвивала зад нејзиниот грб. „Каде се вбројува ова меѓу најголемите моменти во историјата на телевизијата во Синсинати?“, се запрашал еден коментатор.

„Што, по ѓаволите, штотуку изгледав?“

Потегот на непознатиот маж предизвика бројни реакции. Некои се восхитуваа на неговата посветеност на шегата, пофалувајќи ја неговата „грациозна самоувереност“ и „страсна изведба“. Имаше и такви кои целиот чин го сметаа едноставно за „импресивен“, додека повеќето гледачи останаа зачудени, прашувајќи се: „Што, по ѓаволите, штотуку изгледав?“